धादिङ । जिल्लाको कृषि, पर्यटन, उद्योग तथा सांस्कृतिक पहिचान प्रवर्द्धन गर्ने उद्देश्यका साथ दशौं धादिङ महोत्सव–२०८२ भोलि माघ १५ गतेदेखि धादिङबेसीमा सुरु हुँदैछ। १० दिनसम्म सञ्चालन हुने महोत्सवको उद्घाटन नेपाल उद्योग वाणिज्य महासंघका अध्यक्ष चन्द्रप्रसाद ढकालले गर्ने कार्यक्रम तय गरिएको छ। महोत्सवको पहिलो दिन कृषि तथा घरेलु उत्पादनको प्रदर्शनी र प्रतियोगिता, साथै सांस्कृतिक झाँकी प्रदर्शन मुख्य आकर्षणका रूपमा रहने आयोजकले जनाएको छ। जातजाति तथा भाषाभाषी समुदायको सांस्कृतिक पहिचान झल्किने झाँकीमा भजन, महिला बाजा लगायत विविध मौलिक प्रस्तुति समावेश हुनेछन्। आज आयोजित पत्रकार सम्मेलनमा दिइएको जानकारीअनुसार सांस्कृतिक झाँकी प्रदर्शन बिहान १० बजेदेखि सुरु हुनेछ। साथै, कृषिजन्य वस्तु तथा सामग्रीहरूको छुट्टै प्रदर्शनी…
