धादिङ, बेनीघाट रोराङ – “स्वास्थ्यका लागि खेलकुद, राष्ट्रका लागि खेलकुद” भन्ने नारासहित तेस्रो खुल्ला वडा कप 7–ए–साइड फुटबल प्रतियोगिता हुने भएको छ। प्रतियोगिता बेनीघाट रोराङ–२, गौरीशंकर खेलमैदानमा २०८२ कार्तिक ३ देखि ६ गतेसम्म सञ्चालन हुने कार्यक्रम तय गरिएको छ।
प्रतियोगितामा पहिलो पुरस्कार रु. ५०,०००, दोस्रो पुरस्कार रु. २५,००० राखिएको छ। साथै उत्कृष्ट खेलाडी र गोलकिपरलाई रु. ५,००० सहित ट्रफी, मेडल र प्रमाणपत्र प्रदान गरिनेछ। प्रतियोगितामा भाग लिन इच्छुक टोलीहरूको प्रवेश शुल्क रु. ५,००० तोकिएको छ।
प्रतियोगिताको आयोजन युवा तथा खेलकुद समिति, बेनीघाट रोराङ–२ ले गरेको हो। आयोजकका अनुसार, प्रतियोगिताले स्थानीय युवा तथा खेलकुद प्रेमीहरूलाई खेलकुदको माध्यमबाट स्वास्थ्य र सामुदायिक सहभागितामा सक्रिय बनाउने उद्देश्य राखेको छ।
प्रतियोगिता अवधिभर विभिन्न टोलीहरूबीच रोमाञ्चक खेलहरू सञ्चालन हुनेछन् र उत्कृष्ट प्रदर्शन गर्ने खेलाडी तथा टोलीहरूलाई सम्मान र पुरस्कार प्रदान गरिने कार्यक्रम तय गरिएको आयोजकले बताएको छ।
खेलकुदको मेला, उत्साह र प्रतिस्पर्धाको आनन्द लिन सबैलाई आयोजकले निम्तोसमेत गरेको छ।
