धादिङ, भदौ १७ । नीलकण्ठ नगरपालिका–४ मा जेष्ठ नागरिक, अपाङ्गता, अशक्त र शारीरिक कमजोरी भएका लाभग्राहीहरूको सामाजिक सुरक्षा भत्ता परिचयपत्र नवीकरण कार्य आजदेखि सुरु भएको छ । वडा अध्यक्ष हरि श्रेष्ठका अनुसार शारीरिक अवस्था वा अन्य कारणले कार्यालयसम्म आउन नसक्ने सेवाग्राहीलाई लक्षित गरी वडास्तरीय टोली घरघरमै पुगेर सेवा प्रदान गर्न थालेको हो । उनले भने, “यस अभियानमार्फत अपाङ्गता भएका, शारीरिक रूपमा अशक्त वा जेष्ठ नागरिकलाई घरदैलोमै सेवा पु¥याउँदा उनीहरूको सम्मान र सुविधा दुवै सुनिश्चित हुन्छ ।” सामाजिक सुरक्षा भत्ता वितरण कार्यविधि, २०७७ अनुसार प्रत्येक आर्थिक वर्षको भदौ मसान्तसम्म लाभग्राहीको परिचयपत्र नवीकरण अनिवार्य हुने प्रावधान छ । सोही व्यवस्था अनुसार वडाले…
