धादिङ । दोलखाको चरिकोटमा सञ्चालन भइरहेको बागमती प्रदेश स्तरीय राष्ट्रपति रनिङ शिल्ड प्रतियोगितामा धादिङका दुई खेलाडीले पहिलो दिनै पदक जित्न सफल भएका छन्। एथलेटिक्स अन्तर्गत १५०० मिटर दौडतर्फ धादिङकी शर्मिला तामाङले उत्कृष्ट प्रदर्शन गर्दै कास्य पदक हात पारिन्। त्यस्तै, सटपुट (गोला फ्याँक) तर्फ सिर्जना श्रेष्ठले रजत पदक जितेकी छन्। प्रतियोगिता आज देखि १९ गतेसम्म चरिकोटमा सञ्चालन भइरहेको छ।
