धादिङको सदरमुकाम धादिङबेसीमा रहेको न्यू किबो बोर्डिङ स्कुलमा शैक्षिक सत्र २०८२ को लागि कप्तान र उपकप्तान चयन गरेको छ । विद्यालयले निर्वाचन प्रक्रिया मार्फत विद्यालको कप्तान र उपकप्तान चयन गरेको हो । विद्यालयको कप्तानमा १ सय ४८ मत सहित अभि भट्ट निर्वाचित हुनुभएको छ । भने उपकप्तानमा १ सय २१ मत सहित जेनिक राना मगर निर्वाचित हुनुभएको छ ।
विद्यालयमा शुक्रबार भएको मतदानको मतपरिणाम आज सार्वजनिक गरेको हो । कूल ५ सय १६ मतदाता मध्ये ४ सय ८३ मत खसेको थियो । भने खसेको मत मध्ये ४ मत बदर भएको विद्यालयका अतिरिक्त क्रियाकलाप संयोजक अनुप भट्टले बताउनुभयो ।
निर्वाचनमा हुने सम्पूर्ण प्रक्रिया पुरा गर्दै विद्यालयको वार्षिक क्यालेन्डर अन्तर्गत विद्यालय चुनाव २०८२ गरिएको विद्यालयले जनाएको छ । शैद्धान्तिक ज्ञान मात्र नभई प्रयोगात्मक, जिवन उपयोगी तथा व्यवहारिक ज्ञान पनि विद्यार्थीलाई दिनुपर्छ भन्ने उद्देश्यले निर्वाचन मार्फत कप्तान उपकप्ता चयन गरिएको उहाँले बताउनुभयो । विद्यार्थीहरुको सर्वाङ्गीण विकासको निमित्त यस्ता अतिरिक्त क्रियाकलापले महत्वपूर्ण भूमिका खेल्ने संयोजक भट्टले बताउनुभयो ।
यस्तै सदन अनुसार भएको निर्वाचनमा रातो सदन तर्फ ७६ मत सहित आकृष विक निर्वाचित हुनुभएको छ भने उपकप्तानमा ५७ मत सहित वैभव अधिकारी निर्वाचित हुनुभएको छ । यस्तै हरियो सदन तर्फ ३६ मत सहित समिप अधिकारी निर्वाचित हुनुभएको छ भने ६० मत सहित लोमस तामाङ उपकप्तानमा निर्वाचित हुनुभएको छ ।पहेँलो सदन तर्फ ४० मत सहित आदित सेञ्चुरी कप्तानमा निर्वाचित हुनुभएको छ भने ३४ मत सहित अभिमाया कंडेल उपकप्तानमा निर्वाचित हुनुभएको छ ।निलो सदन तर्फ ४१ मत सहित असिम बाँनिया कप्तानमा र ४७ मत सहित श्रृष्टि घले उपकप्तानमा निर्वाचित हुनुभएको छ ।
निर्वाचित विद्यालयका नव कप्तान र उपकप्तानलाई आज सपथ ग्रहण पनि गराईएकोे छ । विद्यालयका प्रधानध्यापक प्रयास रेग्मीले शपथ ग्रहण गराउनुभएको हो ।नेतृत्व चयनको तरिका, यसको प्रक्रियाको बारेमा विद्यालय उमेरदेखि नै ज्ञान दिने उद्देश्यले प्रजातान्त्रि पद्धतीलाई अवलम्वन गर्दै निर्वाचन प्रक्रिया मार्फत विद्यालयको कप्तान र उपकप्तान चयन गरिएको प्रधानध्याकप रेग्मीले बताउनुभयो ।
