धादिङ, नेपाल — भारतको पंजाब राज्य, कपुरथलामा सम्पन्न १९औं राष्ट्रिय कराते च्याम्पियनसिप २०२५ मा धादिङको एड्भान्स एकेडेमीका कक्षा ७ का विद्यार्थी युनिक तामाङले दुबै विधामा स्वर्ण पदक जितेर नेपाललाई गौरव दिलाएका छन्। ३० केजी तौल समूह अन्तर्गत काटा र कुमुते दुवै विधामा उनले अव्वल स्थान हासिल गर्दै २ वटा स्वर्ण पदक आफ्नो नाममा लेखाएका हुन्। प्रतियोगिता जुलाई २६ र २७ मा भारतको कपुरथलास्थित धर्मसभामा सम्पन्न भएको थियो। नेपालबाट युनिकसँगै उनका प्रशिक्षक शक्ति तामाङले सहभागीता जनाएका थिए। उक्त च्याम्पियनसिपमा भारतका विभिन्न राज्यहरूका साथै अन्तर्राष्ट्रिय खेलाडीहरूको समेत सहभागिता रहेको थियो, जसले युनिकको जितलाई झन् उल्लेखनीय बनाएको छ। उनको यो सफलतापछि स्थानीय समुदायदेखि…
