धादिङ – साउन १२, २०८२
धादिङ जिल्ला बेनीघाट रोराङ गाउँपालिकाका समाजसेवी राजु ठकुरीलाई नेपाल प्रहरी कार्यालय, धादिङले राजमार्ग सुरक्षा, उद्धार तथा समाजसेवामा पु-याएको उल्लेखनीय योगदानको उच्च मूल्याङ्कन गर्दै सम्मान गरेको छ।
राजु ठकुरीले धादिङ जिल्लामा विशेषगरी पृथ्वी राजमार्ग क्षेत्रको दुर्घटना, विपद्, उद्धार कार्य, अपराध अनुसन्धान तथा नियन्त्रणमा नेपाल प्रहरीसँग गहिरो सहकार्य गर्दै उल्लेखनीय भूमिका निर्वाह गर्दै आउनुभएको छ।
उहाँको समर्पणका कारण हजारौं दुर्घटनाबाट पिडित व्यक्तिहरूले नयाँ जीवन पाएका छन्, जुन यथार्थ अहिले सम्पूर्ण समाजका सामु घामजस्तै छर्लङ्ग छ। प्रहरी प्रशासनसँगको विश्वास, पारदर्शिता र सहकार्यको भावनाका साथ उहाँले निभाउँदै आएको जिम्मेवारी समाजको लागि प्रेरणाको स्रोत बनेको छ।
नेपाल प्रहरी कार्यालय, धादिङले यसै योगदानको उच्च प्रशंसा गर्दै समाजसेवामा समर्पित यो समर्पणभावप्रति विशेष कदर गर्दै सम्मान प्रदान गरेको हो । उहाले गरेको कामको एक उदारणिय भिडियो यो लिङकमा हेर्न सकिन्छ 👉https://youtu.be/ksUoZZvWaCk?si=lE4CQD_K0JXCqjYy
