Day: २०८२ बैशाख ७, आईतवार

 धादिङ -पृथ्वी राजमार्ग अन्तर्गत धादिङको बेनीघाट रोराङ गाउँपालिका–७ कृष्णभीरबाट त्रिशुली किनारमा मोटरसाइकल खस्दा एक जनाएको ज्यान गएको छ । बागमती प्रदेश ०२–०२४ प ४०५४ नम्बरको मोटरसाइकल कृष्णभीरबाट त्रिशुली किनारमा खस्दा सिन्धुलीको तिनपाटन गाउँपालिका– ९ का २६ वर्षिय मिन बहादुर तामाङको मृत्यु भएको जिल्ला प्रहरी कार्यालय धादिङका प्रहरी नायव उपरीक्षक सुवास हमालले जानकारी दिए । प्रहरी नायव उपरीक्षक हमालका अुनसार मोटरसाइकल सडकबाट करिव तीन सय मिटर तल खसेको थियो । मृतक तामाङको शवसहित दुर्घटनाग्रत मोटरसाइकल त्रिशुली किनार नजिकै झाडीमा भेटिएको उनले बताए ।

धादिङ जिल्ला खेलकुद विकास समिति धादिङको आयोजनामा १४औं राष्ट्रपति रनिङ शिल्ड जिल्ला स्तरीय प्रतियोगिता यही बैशाख ११ गतेदेखि १३ गतेसम्म आयोजना हुने भएको छ। समितिका अध्यक्ष प्रताप सिंह तामाङका अनुसार जिल्लाका सबै स्थानीय तहले लाखौं रुपैयाँ खर्च गरेर आफ्ना प्रतिनिधि खेलाडीहरू चयन गरिसकेका छन्। यसअघि प्रतियोगिता नहुने आशंका गरिए पनि अब प्रतियोगिता हुने पक्का भएपछि खेलाडी, प्रशिक्षक र खेलप्रेमीहरू उत्साहित भएका छन्। गत वर्ष सम्पन्न १३ औं संस्करणमा नीलकण्ठ नगरपालिकाले विजयी हुँदै उपाधि जितेको थियो। यसपटक पनि नीलकण्ठ नगरपालिका तेस्रोपटक उपाधि रक्षा गर्ने लक्ष्यसहित मैदानमा उत्रिनेछ। उता, गत वर्षको उपविजेता थाक्रे गाउँपालिका यसपटक विजेता बन्ने मनोवृत्तिका साथ प्रतिस्पर्धा गर्ने तयारीमा…