धादिङ:-धादिङ जिल्ला सिद्धलेक गाउँपालिका–५, चेकबाङ पोखरीमा अवस्थित धार्मिक, सांस्कृतिक तथा पर्यटकीय दृष्टिले महत्वपूर्ण श्री बाग्बच्छलादेवी देवी मन्दिरमा आज बेलुका (कार्तिक १८ गते) कार्तिक शुक्ल पूर्णिमाको अवसरमा बाजागाजासहित फुलको डोली लैजाने तयारी गरिएको छ। सो अवसरमा स्थानीय बासिन्दा तथा भक्तजनहरूको उपस्थितिमा मन्दिरका पुजारी चेतुनाथ खनालको घरबाट फुलको डोली, नाचगानसहित निकालिने भएको छ। त्यसैगरी, • चापखोला निवासी समाजसेवी बुद्धबहादुर गुरुङको घरबाट पञ्चेबाजासहित फुलको डोली, • सुकैरोबेसी निवासी टंकबहादुर श्रेष्ठको घरबाट फुलको डोली, • र तिनघरे निवासी मानबहादुर श्रेष्ठको घरबाट फुलको डोली लैजाने तयारी गरिएको छ। हरेक वर्ष कार्तिक शुक्ल पूर्णिमाको दिन बागछल्ला देवी मन्दिर परिसरमा मेला लाग्ने परम्परा रहिआएको मन्दिरका पुजारी चेतुनाथ…
