धादिङबेसी । नारी विकास बचत तथा ऋण सहकारी संस्थाको १९औँ साधारण सभा तथा तीज विशेष कार्यक्रम शनिबार धादिङबेसीस्थित विपि स्मृति भवनको सभाहलमा सम्पन्न भएको छ। कार्यक्रमका प्रमुख अतिथि नीलकण्ठ नगरपालिकाका प्रमुख मेयर भीम प्रसाद ढुङ्गानाले सहकारी संस्था महिलाको आर्थिक सबलीकरण र सामाजिक सशक्तीकरणको प्रमुख आधार भएको भन्दै सहकारी सदस्यलाई उद्यमशीलता र उत्पादनमूलक क्षेत्रमा जोडिन आग्रह गरे। सभामा संस्थाका पदाधिकारीहरूले वार्षिक प्रतिवेदन, आय–व्यय विवरण प्रस्तुत गरेका थिए भने आगामी वर्षका कार्यक्रम र बजेटसमेत पारित गरिएको छ। साधारण सभासँगै आयोजना गरिएको तीज विशेष कार्यक्रममा सहकारी सदस्य महिलाहरूले सांस्कृतिक प्रस्तुति दिएर वातावरण उत्साहमय बनाएका थिए। कार्यक्रममा स्थानीय जनप्रतिनिधि, विभिन्न सहकारी संस्थाका प्रतिनिधि, ,पत्रकार…
