बेनिघाट रोराङका सार्वजनिक पदमा रहेकाका छोराछोरी सामुदायिक विद्यालयमै पढाउन पुनः अनुरोध

 धादिङ -धादिङको बेनिघाट रोराङ गाउँपालिकाले सार्वजनकि पद धारण गरेकाको परिवारका वालवालिकालाई सामुदायी विद्यालयमा पढाउन अनुरोध गरेको छ । वि.स. २०८० चैत्र १ गते बसेको सर्वदलीय सहित गाउँकार्यपालिकाको बैठकले राजनीतिक दलका प्रतिनीधि तथा सार्वजनिक पदमा बहाल रहेकाका परिवारलाई सामुदायीक विद्यालयमा भर्ना गरि अध्ययन गर्ने व्यवस्था मिलाउन अनुरोध गर्ने निर्णय गरेको थियो । गाउँपालिकाले सामुदायीक विद्यालयहरुलाई व्यवस्थीत र प्रभावकारी बनाई विद्यालय प्रतिको जिम्मेवारी र जवाफ देहिता मार्फत विद्यालयको शैक्षिक गुण्स्तरमा थप टेवा पु¥याउने उद्देश्यका साथ यस्तो निर्णय गरिएको गाउँपालिकाका प्रमुख कृष्ण बहादुर थपलिया विवेकले बताउनु भयो ।
गत शैक्षिक शत्र देखि नै गाउँपालिकाले गाउँपालिका भित्र सार्वजनिक पद धारण गरेका जनप्रतिनीधि, राष्ट्रसेवक कर्मचारी, शिक्षक, विव्यसका पदाधिकारी,शिक्षक अभिभावक संघका पदाधिकारी तथा राजनैतिक दलका नेतृत्वदायी भुमिकामा रहेका व्यक्तिहरुलाई गत शैक्षिक शत्रबाट नै आफ्ना छोराछारीलाई नजिकको सामुदायीक विद्यालयमा पढाउन अनुरोध गरेको थियो । सोहि अनुरुप सामुदायीक विद्यालयमा आफ्ना वालवच्चा पढाउने सार्वजनिक व्यक्तिहरुलाई गाउँपालिकाले सम्मान पनि गरेको छ ।
शैक्षिक शत्र २०८२ मा पनि सार्वजनिक पद धारण गरेका जनप्रतिनीधि, राष्ट्रसेवक कर्मचारी, शिक्षक, विव्यसका पदाधिकारी,शिक्षक अभिभावक संघका पदाधिकारी तथा राजनैतिक दलका नेतृत्वदायी भुमिकामा रहेका व्यक्तिहरुलाई पुनः आफ्ना सन्ततीहरुलाई सामुदायीक विद्यालयमा भर्ना गरि सामुदायीक विद्यालय प्रति विस्वास बढाउन गाउँपालिकाले अनुरोध गरेको छ ।