झापा ।। बुद्धशान्ति प्रेस क्लबको आयोजनामा झापा मिडिया कप २०८१ हुने भएको छ
झापामा लामो समय देखि सञ्चारकर्मी बिच खेल नभएको अवस्थामा प्रेस क्लब बुद्धशान्तिले नेपालीहरुको महान चाड वडादशैँको पावन अवसर पारेर सम्पूर्ण झापाली सञ्चारकर्मीलाई एउटै मैदानमा उपस्थित गराई जिल्ला स्तरीय फुटबल प्रतियोगिता मिडिया कप (प्रेस क्लब स्तरीय) २०८१ गर्ने आज पत्रकार सम्मेलन गरी जानकारी दिएको छ ।
प्रतियोगितामा झापाका ७ वटा प्रेस क्लबका टिम सहभागी रहनेछन् । मिडिया कपको प्रथम पुरस्कारको रुपमा ट्रफि, मेडल र प्रमाण पत्र सहित नगद रु २५ हजार त्यस्तै उपविजेता टिमले पनि ट्रफि, मेडल र प्रमाण पत्र सहित नगद रु १५ हजार रहेको बताइएको छ ।
यही मिति २०८१–०६–१७ र १८ गते श्री त्रिभुवन मावि होक्सेको खेलमैदानमा आयोजना गरिने बताइएको छ भने उक्त प्रतियोगिता सम्पन्न गराउन करिब २ लाख ५० हजार रकम खर्च हुने अनुमान गरिएको छ ।
उक्त खेलको खेल तालिका समेत सार्वजनिक भएको छ पहिलो खेलमा आयोजक बुद्ध शान्ति प्रेस क्लबले अर्जुनधारा प्रेस क्लबसँग खेल्ने छ। दोस्रो खेल दमक प्रेस क्लब र मेचीनगर प्रेस क्लब संग खेल्ने छ। तेस्रो खेलमा कनकाई प्रेस क्लब ले भद्रपुर प्रेस क्लब संग खेल्ने छ भने नेपाल खेलकुद पत्रकार मञ्च ,(nsjf) बाई पाएर सिधै अर्को चरणमा प्रवेश गरेको छ।
