बिर्तामोड असोज १।। पूर्वी नेपालको ढुवानी व्यवसायमा अग्रस्थानमा रहेको पूर्वेली ढुवानी सेवाले आज विधिवत रुपमा विश्वकर्मा पूजा सम्पन्न गरेको छ।
बिर्तामोड –६ स्थित बुट्टाबारीमा २५ वढी ट्रक र अन्य सवारी साधन हरु एकै स्थानमा राखेर भव्यरुपमा विश्वकर्मा पूजा गरेको हो । रिबन फूलपाती बेलुन ले सजीसजाउ पारिएका गाडीलाई पूर्वेली ढुवानी सेवाका सञ्चालक निर्मल खत्री (न्यौपाने) ले ब्राम्हण सहित मन्त्रोचारण गरी फुलपाती, अक्षताले पूजा आराधना गरेर विश्वकर्माको पूजा गरेका हुन् । आज फलामबाट बनेका औजार तथा सामानमा पूजा आराधना गरेमा धेरै समय टिक्ने, कामका बेलामा नबिग्रने र राम्रो काम गर्न सकिनेलगायत गुण प्राप्त हुने धार्मिक विश्वास छ ।
सुनसरीको इटहरीमा शाखा कार्यालय रहेको ढुवानी सेवाले देशैभर ४० वढी ट्रकबाट सेवा प्रदान गर्दै आएको छ । सञ्चालक निर्मल सामाजिक कार्यमा समेत सक्रिय छन् । उनले बिभिन्न सामाजिक कार्य पनि गर्दै आएका छन् ।
ढुवानी सेवाले आयोजना गरेको पूजामा बिर्तामोड उद्योग बाणिज्य संघका अध्यक्ष राजु न्यौपाने, नेपाल अलैंची ब्यवसायी महासंघका केन्द्रिय अध्यक्ष निर्मल भट्टराई, सञ्चारकर्मी, प्रहरी, सवारी साधनका स्टाफलगायतको बाक्लो उपस्थिति रहेको थियो । हाल पूर्वेली ढुवानी सेवाले ४० बढी ट्रकबाट देशका विभिन्न स्थानमा सेवा दिँदै आएको छ।
