सल्यानटारमा एमाले उम्मेदवार धनबहादुर घलेको प्रतिवद्धता, व्यवस्थित बस्ती विकास ् स्वास्थ्य शिक्षाको प्रतिवद्धता

धादिङ ।
फागुन २१ मा हुने प्रतिनिधिसभा निर्वाचनको लागि नेकपा एमाले धादिङ २ का उम्मेदवार धनबहादुर घले त्रिपुरासुन्दरी गाउँपालिका वडा नम्बर २ को सल्यानटारका विभिन्न बस्तीहरुमा मतदाताहरुसंग भेटघाट गरिरहनुभएको छ ।
मतदाताह्रसंग भेट्दै बुढी गडीगण्डकी जलविद्युत परियोजनाबाट विस्थापित नागरिकको बस्ती विकास, सडक खानेपानी र शिक्षाको व्यवस्थित योजना सहित निति बनाएर विकास गर्ने प्रतिवद्धता एमाले उम्मेदवार घलेले गर्नुभएको छ ।
सल्यानटारमा रहेको प्राथमिक स्वास्थ्य केन्द्रलाई स्तरउन्नती गर्दै सुबिधासम्पन्न अस्पताल बनाउन पहल गर्ने प्रतिवद्धता व्यक्त गर्नुभयो । बुढीगण्डकी जलविद्युत परियोजना तत्काल सुरु गर्न दवाव दिने, परियोजनाबाट विस्थापित नागरिकको पुनस्थापना, बस्ती विकास गर्ने योजनामा दवाव दिने उम्मेदवार घलेले मतदातासंग प्रतिवद्धता गर्नुभयो ।
एमाले उम्मेदवार घले त्रिपुरासुन्दरी गाउँपालिका वडा नम्बर २ को सल्यानटार स्थित छापगाउाँ, बेलगाउँ, बौसा गाउँ, ठूलो गाउँ, सानागाउँ, देबिथान, सिकटार लगायतका स्थानहरुका मतदाताहरु भेट्दै गुनासो, सुझाव संकलन तथा छलफल गर्दै प्रतिवद्धताहरु समेत वयक्त गर्नुभएको छ ।