धादिङ — काठमाडौं इन्फिल्डर्स क्लबका बाइक राइडरहरूको टोलीले धादिङबेसी पौवा घर, रिजालथोक, भैरवी मन्दिर हुँदै भैरवी माध्यमिक विद्यालय पुगेर ७० जना बालबालिकालाई विद्यालय झोला र स्टेशनरी सामग्री वितरण गरेको छ।
क्लबका सदस्य रियाज पौडेलका अनुसार, “हामी जहाँ घुम्न जान्छौं, त्यहाँ केही न केही सामाजिक सहयोग गर्ने प्रयास गर्छौं,” भन्ने उद्देश्यका साथ यो कार्यक्रम आयोजना गरिएको हो।
उक्त टोलीले भैरवी मन्दिर भ्रमणपछि प्रसिद्द धार्मिक स्थल गुप्तेश्वर मन्दिर हुँदै हाइवे निक्लिएको थियो। धादिङमा बाइक राइड गर्नका लागि निकै उपयुक्त र रमणीय रुट रहेको समेत राइडरहरूको भनाइ छ।
यहाँका स्थानीय जनताहरूले बाइक राइडरहरूको सहयोग र आगमनप्रति हार्दिक माया र स्वागत गरेका छन्। उनीहरूले यो क्षण अबिस्मरणीय रहेको समेत बताएका छन्।
इन्फिल्डर्स क्लबले आगामी दिनमा पनि सहयोगका कार्यक्रमहरू लिएर आउने प्रतिबद्धता जनाएको छ।
