धादिङ । ९ भदौ नीलकण्ठ नगरपालिका–४ ले आयोजना गरेको वडा स्तरीय तीज गीत प्रतियोगितामा राधाकृष्ण आमा समूह प्रथम भएको छ ।
प्रतियोगितामा भगवती आमा समूह दोस्रो, शुभकर्म आमा समूह तेस्रो र सुन्दर बस्ती टोल विकास संस्था सान्त्वना स्थानमा रहे ।
विजयी समूहलाई क्रमशः ६ हजार, ४ हजार, २ हजार र १ हजार रुपैयाँ नगद पुरस्कार तथा प्रमाणपत्रसहित सम्मान गरिएको वडाले जनाएको छ ।
यसैबीच, तीज विशेष प्रस्तुति प्रस्तुत गर्ने गैरी गाउँ माध्यमिक विद्यालयअन्तर्गत उज्वल बाल क्लबका विद्यार्थीहरूलाई पनि वडाले सम्मान गरेको हो ।
वडा अध्यक्ष हरि श्रेष्ठले परम्परा तथा मौलिक पर्व तीजलाई जोगाइ राख्न र पुस्ता हस्तान्तरण गर्ने उद्देश्यले प्रतियोगिता आयोजना गरिएको बताए ।
त्यस्तै, नगर प्रमुख भीम प्रसाद ढुंगानाले यस्ता कार्यक्रमले पुस्तान्तरणमा ठूलो भूमिका खेल्नुका साथै लुकेर रहेका प्रतिभा बाहिर ल्याउन सहयोग गर्ने धारणा व्यक्त गर्नुभयो ।
प्रतियोगिताको निर्णयक मण्डलमा पत्रकार महासंघ धादिङका निवर्तमान अध्यक्ष एवंम रेडियो धादिङका स्टेशन म्यानेजर राजाराम शर्मा, महिला अधिकारकर्मी गायत्री खतिवडा, नीलकण्ठ वाल मन्दिर माविका नृत्य प्रशिक्षक पुजा राना ठकुरी रहनुभएको थियो ।
