धादिङबेसी।श्रावण २३,२०८२
नीलकण्ठ नगरपालिकाले आ व २०८२/०८३ देखि `ग´ वर्गका अपाङ्गता भएका व्यक्तिहरूलाई नि:शुल्क स्वास्थ्य विमा गर्ने भएकाे छ ।
साउन २१ गते बसेकाे नीलकण्ठ अपाङ्गता समन्वय समितिकाे बैठकले आ ब २०८२/०८३ साउन देखि लागू हुने गरि अनुमानित २७५ जना`ग´वर्गका अपाङ्गता भएका व्यक्तिहरूले स्वास्थ्य विमाकाे रकम सत प्रतिशत नगरपालिकाले नै व्यहोर्ने नीतिलाई बैठकले पारित गरेकाे हाे ।
“स्वास्थ्य विमाकाे रकम`क´वर्गलाई संघीय सरकारले`ख´ वर्गलाई प्रदेश सरकारले र`ग´वर्गलाई नीलकण्ठ नगरपालिकाले व्यहोर्ने छ” समितिका संयाेजक दिपक विश्वकर्माले पैरवी अनलाइनलाई बताए ।
विगत वर्षमा ६० प्रतिशत नगरपालिकाले र ४० प्रतिशत स्वयं व्यक्तिले व्यहाेर्नु पर्ने नीति थियो भने यस आ व देखि सत- प्रतिशत विमाकाे रकम नगरपालिकाले नै व्यहोर्ने नीतिलाई नगरसभाले नै पास गरेकाे हाे ।
यस कार्यक्रमबाट अनुमानित २७५ जना अपाङ्गता भएका ५ जना सम्मका परिवारले प्रत्यक्ष फाइदा लिन सक्नेछन् ।
यस कार्यक्रमका लागि नगरपालिकाले आफ्ना १४ वटै वडामा पत्रचार मार्फत जानकारी गराउने, मिडिया मार्फत पनि प्रचार प्रसार गर्ने र`ग´वर्गका अपाङ्गता भएका व्यक्तिहरूलाई याे सेवा लिनका लागि आव्हान गरेकाे छ ।
नगरपालिकाले आगामी दिन देखि अपाङ्गता भएका व्यक्तिहरूकाे तथ्यांक डिजिटल सिस्टममा राख्न पनि शुरूवात गरिसकेको महिला बालबालिका तथा जेष्ठ नागरिक शाखा प्रमुख उर्मिला थपलियाले जानकारी दिएकी छिन् ।
अपाङ्गताकाे क्षेत्रमा स्थानीय सरकारले विभिन्न नीति, नियम तथ कानुन निर्माण गरि आफ्ना नागरिकहरूलाई सेवा सुविधा दिन सक्ने व्यवस्था भए पनि विभिन्न बहाना र आलटाल गर्ने खाेजे पनि अपाङ्गता अभियन्ता र स्थानीय जन- प्रतिनिधि तथा कर्मचारीकाे संयुक्त प्रयासबाट नीलकण्ठ नगरपालिकाले अपाङ्गता भएका व्यक्तिहरूका लागि गरेका काम सकारात्मक छ । आगामी दिनमा अझ बढी सेवासुविधा दिन सक्ने अवस्थामा जाहाेस । यस्ता सकारात्मक प्रयासलाई अन्य पालिकाहरूले पनि सिक्नु पर्ने देखिन्छ ।
