धादिङ, चैत २९
धादिङ मोबाइल तथा इलेक्ट्रोनिक्स व्यवसायी संघको उपहार वितरण कार्यक्रम यही चैत ३० गते, शनिबार हुने भएको छ।
संघमा आबद्ध धादिङबेसीका पसलहरूले रु १०० भन्दा माथिको सामान खरिद गर्ने ग्राहकलाई दशैंदेखि प्रदान गरिएको लक्की ड्र चिट्ठाको उपहार यही शनिबार, चैत ३० गते बिहान १० बजे धादिङबेसीमा रहेको उद्योग वाणिज्य संघको सभाहलमा वितरण गरिने निर्णय भएको संघका अध्यक्ष प्रकाश भट्टले जानकारी दिनुभयो।
अध्यक्ष भट्टका अनुसार, “व्यापारीहरूबीच अस्वस्थ प्रतिस्पर्धा हुन थालेकाले त्यस्तो प्रतिस्पर्धा रोक्न, सबै व्यवसायीहरूबीच एकरूपता कायम गर्न र आपसी मनमुटाव हटाई सबैलाई एउटै डोरीमा बाँध्ने उद्देश्यले मोबाइल व्यवसायी संघ गठन गरिएको हो। यो संघले सुरु देखि नै व्यवसायीहरूको हकहितका लागि विभिन्न कार्य गर्दै आएको छ। अहिले पनि केही उदाहरणीय कार्य गर्नुपर्छ भन्ने सोचका साथ हामी सबै साथी मिलेर यो कार्यक्रम आयोजना गर्न लागेको हौं।”
बम्पर उपहार योजनाअन्तर्गत प्रदान गरिने उपहारहरू यस प्रकार छन्:
-
हिरो स्कुटर – १ जनालाई
-
आइडिया ५५” एलईडी टिभी – १ जनालाई
-
सिजी १७५ लिटर फ्रिज – १ जनालाई
-
टेलिटक मोबाइल – २ जनालाई
-
इयरबड – ५० जनालाई
-
सिभिआर इयरफोन – ५० जनालाई
-
घडी लगायत अन्य थुप्रै उपहारसहित जम्मा २६३ वटा उपहार प्रदान गरिने आयोजकले जनाएको छ।
उपहार प्राप्त गर्नको लागि ग्राहकहरूले सामान खरिद गर्दा प्राप्त कुपनको अर्धकट्टी अनिवार्यरूपमा ल्याउनु पर्ने समितिका कोषाध्यक्ष शरण श्रेष्ठले जानकारी दिनुभयो।
