झापा, फागुन १५ । बाह्रदशी गाउँपालिका ७ डाँगीवारीमा रहेको गौरीशंकर माध्यमिक विद्यालयको ६६ औं वार्षिकोत्सवको अबसर पारेर एक दिवसीय मैत्रीपूर्ण फुटवल प्रतियोगिता सम्पन्न भएको छ ।
बाह्रदशी गाउँँपालिका अध्यक्ष ११ र बाह्रदशी शिक्षक ११ बीच मैत्रीपूर्ण फुटवल प्रतियोगिता भएको हो । प्रतियोगताको उद्घाटन बाह्रदशी गाउँपालिका अध्यक्ष देविन्द्र प्रसाद चम्लगाईले गरेका थिए ।
गौरीशंकर माध्यमिक विद्यालयमा भएको प्रतियोगिता अन्तरगत बाह्रदशी गाउँँपालिका अध्यक्ष ११ को कर्मचारी टिम विजयी भएको थियो । बाह्रदशी शिक्षक ११ टिमलाई ट्राइवेकरमा ५– ४ को गोल अन्तरले पराजीत गर्दै कर्मचारी टिम विजयी भएको हो । निर्धारित समयमा गोल रहित वरावरी भएपछि ट्राइवेकर मार्फत खेलको निर्णय लिइएको थियो ।
प्रतियोगिका विजयी टिमलाई गाउँपालिका अध्यक्षा चम्लगाई, प्रमुख प्रशासकीय अधिकृत जर्नादन निरौलाले ट्रफी हस्तान्तरण गरेका थिए ।
प्रतियोगितामा म्यान अफ द म्याच बाह्रदशी शिक्षक ११ टिमका जीवन धमला घोषित भए ।
गौरीशंकर माध्यमिक विद्यालय व्यवस्थापन समिति अध्यक्ष इन्द्र वहादुर राईको अध्यक्षतामा भएको कार्यक्रमको सञ्चालन सोही विद्यालयका शिक्षक लोचन कुमार गुरागाईले गरेका थिए ।
गौरीशंकर माध्यमिक विद्यालयको ६६ औं वार्षिकोत्सव आगामी फागुन २० गते मनाउने तयारी गरिएको विद्यालयका प्रधानाध्याापक लेखनाथ कटुवालले जानकारी दिए ।
