झापा बुद्धशान्ति गाउँपालिका–७ का ८० बर्ष माथिका ५५ जना ज्येष्ठ नागरिकलाई जाडोको न्यानो कपडा वितरण गरिएको छ ।
जाडोको समयमा ज्येष्ठ नागरिकलाई स्वास्थ्यमा कुनै समस्या नहोस् भन्ने उद्धेश्यले कम्बल बितरण गरिएको हो । जसमा ८० बर्ष मुनिका केही विपन्न, एकल र दलित परिवारका ज्येष्ठ नागरिक पनि रहेका छन ।
बुद्धशान्ति–७ वडा कार्यालयले आर्थिक बर्ष २०८१/०८२ का लागि बिनियोजित बजेट ५० हजार रुपैंयाबाट कम्बल खरिद गरि सोमबार एक कार्यक्रमको आयोजना गरि बितरण गरिएको हो ।
वडाध्यक्ष चन्द्र भण्डारीको अध्यक्षतामा आयोजित कार्यक्रममा वडा सदस्य खगेन्द्र गड्तौला, डिकुरा घिमिरे, शष्ट कुमार रार्इ, राष्ट्रिय बिजय माबि।का विद्यालय ब्यवस्थापन समितिका अध्यक्ष दिपेन लावती, पूर्व जनप्रतिनिधि मातृका निरौला, सामाजिक ब्यक्तित्व निरकुमार सुबेदी, ज्येष्ठ नागरिक बुद्धशान्ति–७ का सस्थापक अध्यक्ष कृष्णलाल निरौला लगायतको उपस्थिति रहेको थियो ।
कार्यक्रममा वडा सदस्य खगेन्द्र गडतौलाले स्वागत गरे भने कार्यक्रमको सञ्चाालन वडा सचिव ममता रिजालले गरेकी थिइन् । कार्यक्रममा अनुपस्थित ज्येष्ठ नागरिकलाई घरैमा पुगेर वडाले कम्बल बितरण गर्ने वडाध्यक्ष भण्डारीले जानकारी दिए ।
