फिलिपिन्समा लकडाउनको बेला ३०० पटक उठबसको सजाय पाएका एक व्यक्तिको मृत्यु

फिलिपिन्समा लकडाउनको समयमा बजार गएका एक व्यक्तिलाई ३०० पटक उठबसको सजाय दिइएको छ । सजाय पाएका उनको ज्यान गएको जनाइएको छ ।

कोरोना भाइरस नियन्त्रणका लागि लागू गरिएको क्वारन्टीन नियमको अवज्ञा गरेको भन्दै प्रहरीले दण्डस्वरूप ३०० पटक उठबस गराएका फिलिपिन्समा एक व्यक्तिको मृत्यु भएको उनको परिवारले जनाएको बीबीसीमा उल्लेख छ।

कडा लकडाउन गरिएको कभाइट प्रान्तमा पानी किन्दै गरेका ड्यारेन मानाओग पेनारेडोन्डोलाई प्रहरीहरूले रोकेका थिए। दण्ड पाएको भोलिपल्ट उनी अचेत भएर लडे र त्यसको केही समयमै उनको मृत्यु भएको जनाइएको छ ।