हात्ती चराउँदै गरेका एक माहुतेको बाघ आक्रमणबाट मृत्यु

बर्दियामा फेरि एक जनाको बाघको आक्रमणबाट मृत्यु भएको छ । हात्ती चराउँदै गरेका एक माहुतेको बर्दिया राष्ट्रिय निकुञ्जमा पाटेबाघको आक्रमणबाट आइतबार मृत्यु भएको हो ।

बाघको आक्रमणमा परी हात्तीसारका कर्मचारी ३१ वर्षीय माहुते पुलिसराम चौधरीको मृत्यु भएको प्रहरीले जनाएको छ । यसअघि पनि बाघको आक्रमणबाट बर्दिया र बाँके राष्ट्रिय निकुञ्जमा मृत्युका घटना हुँदै आएका थिए ।