बेलायतमा पछिल्लो २४ घन्टामा ४७ जना कोरोना संक्रमितको मृत्यु

बेलायतमा पछिल्लो २४ घन्टामा थप ४७ जना कोरोना संक्रमितको मृत्यु भएको छ । योसँगै बेलायतमा कोरोना संक्रमणका कारण मृत्यु हुनेको संख्या एक लाख २६ हजार ७१३ पुगेको छ । य

सैगरी गएको २४ घन्टामा ४ हजार ५२ जना नयाँ संक्रमित थपिएको ‘डिपार्टमेन्ट अफ हेल्थ एण्ड सोशल केयर’ ले जानकारी दिएको छ । थपिएका नयाँ संक्रमितसँगै  बेलायतमा संक्रमित  हुनेको संख्या ४३ लाख ४५  हजार ७८८ पुगेको छ ।

बेलायतका अस्पतालमा उपचार गराइरहेका र नयाँ भर्ना हुनेको संख्या पनि क्रमशः घट्दै गएको छ । बुधबारको तथ्याँकअनुसार हाल भेन्टिलेटर बेडमा उपचार गर्नेको संख्या ५६८ रहेको स्वास्थ्य विभागले जनाएको छ ।

त्यस्तै, पछिल्लो २४ घन्टामा २६८ कोरोना संक्रमित अस्पताल भर्ना भएका थिए । हाल अस्पतालमा उपचार गराइरहेका कोरोना बिरामीको संख्या चार हजार १७६ रहेको छ ।

बेलायतमा हालसम्म खोपको पहिलो र दोस्रो गरि तीन करोड ५० लाख १४ हजार ७४ डोज वितरण भएको छ । तीन करोड ९० लाख ५ हजार ५३८ ले खोपको पहिलो डोज र ४१ लाख ८ हजार ५३६ जनाले खोपको दोस्रो डोज लिएका छन् ।