नेपाली काङ्ग्रेसका वरिष्ठ नेता रामचन्द्र पौडेलले प्रतिनिधिसभा पुनःस्थापना गर्ने सर्वोच्च अदालतको फैसलाले मुलुकलाई ठूलो दुर्घटनाबाट बचाएको बताएका छन् ।
प्रतिनिधिसभा विघटन गर्ने सरकारको निर्णय बदर गर्न सर्वोच्चले परमादेश सुनाएपछि पौडेलले उक्त फैसलाले मुलुकलाई ठूलो दुर्घटनाबाट बचाएको बताएका हुन् ।
मङ्गलबार सर्वोच्च अदालतले संसद् पुनस्र्थापना गर्दै १३ दिनभित्र संसद् बैठक बोलाउन आदेश दिएको हो । प्रधानन्यायाधीश चोेलेन्द्रशमशेर जबरा, न्यायाधीशहरू विश्वम्भर श्रेष्ठ, अनिलकुमार सिन्हा, सपना मल्ल प्रधान र तेजबहादुर केसीको संवैधानिक इजलासले यस्तो आदेश दिएको हो ।
मन्त्रिपरिषद्को सिफारिसमा पुस ५ गते राष्ट्रपति विद्यादेवी भण्डारीले संसद् विघटन गर्ने निर्णय गरेकी थिइन् ।
‘मैले त भन्दै आएको हुँ सत्यभन्दा माथि शासक हुन सक्दैन’, सामाजिक सञ्जालमा पौडेलले लेखेका छन्, ‘संसद् पुनःस्थापना गर्ने सर्वोच्चको फैसला स्वागतयोग्य छ । सर्वोच्चको फैसलाले सत्यको जित भएको छ र यसले मुलुकलाई ठूलो दुर्घटनाबाट बचाएको छ । सर्वोच्चलाई धन्यवाद ।’
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |