धारावाहिक ‘छोटी बहू’की लोकप्रिय कलाकार रुबीना दिलैक बनिन बिग बोस सिजन –१४ को बिजेता

चर्चित रियालिटी सो ‘बिग बोस सिजन –१४’ को उपाधि रुबीना दिलैकले आफ्नो पक्षमा पार्न सफल भएकी छिन् ।

शोका सञ्चालक सलमान खानले विजेताको नाम घोषणा गरेका हुन् ।विजेता भएसंगै रुबीनाले ट्रफीसहित करिव ५८ लाख रुपैयाँ धनराशि पनि पुरस्कारको रुपमा पाएकी छिन् ।

रुबीनालाई विजेताको रुपमा घोषणा गरिंदा उनका प्रशंसकहरुमा खुशीको लहर छाएको छ ।रुबीना हिन्दी धारावाहिक ‘छोटी बहू’की लोकप्रिय कलाकार हुन् ।

प्रतियोगितामा गायक राहुल वैद्य फस्ट रनर्स अप भएका छन् ।उनी इन्डिय आइडलको पहिलो सिजनमा समेत उप–विजेतामा सिमित भएका थिए ।
बिग बोसको यो सीजनमा रुबीनाका श्रीमान् अभिनव शुक्ला पनि प्रतिस्पर्धि थिए ।

यस्तै निशान्त सिंह मलकानी, राखी सावन्त, जस्मिन भसीन, सारा गुरपाल, पवित्रा पुनिया, जान कुमार सानु, शहजÞाद देओल, निक्की तंबोली र एजाज खान समेत बिग बोसका प्रतिस्पर्धि थिए ।

बिग बोसको अघिल्लो सिजन भने सिद्धार्थ शुक्लाले जितेका थिए ।त्यस्तै आसिम रियाज फर्स्ट रनर अप बनेका थिए ।बिग बोस–१४ को सीजन गत ३ अक्टोबर २०२० का दिनदेखि प्रारम्भ भएको थियो । यो सो१ सय ३८ दिनसम्म सञ्चालन भयो ।