५० प्रतिशत बढी भाडा सहित असोज १ देखि लामो दूरीका सवारी चल्ने

सरकारले असोज १ गतेदेखि लामो दूरीका सवारी साधन चलाउन दिने निर्णय गरेको छ। सरकारका प्रवक्ता तथा परराष्ट्र मन्त्री प्रदीप ज्ञवालीका अनुसार भदौ २९ गते बसेको मन्त्रिपरिषद् बैठकले उक्त निर्णय गरेको बताए मन्त्री ज्ञवालीका अनुसार सवारी चलाउँदा भाडा ५० प्रतिशतसम्म बढी लिन पाइनेछ भने यात्रु राख्दा शिट क्षमताको ५० प्रतिशतमात्र राख्नुपर्नेछ र एक लहरमा एक जनामात्र यात्रु बस्नु पर्नेछ। यात्रुहरूले अनिवार्य रुपमा मास्क लगाउनु पर्नेछ। त्यसैगरी ढोका र गाडीभित्र पनि स्यानिटाइजरको व्यवस्था गरेको हुनुपर्नेछ। यससम्बन्धी थप मापदण्ड भने भौतिक पूर्वाधार तथा यातायात मन्त्रालयले बनाउने मन्त्री ज्ञवालीले जानकारी दिए।