कंचनपुरको पुनर्वासमा मृतक व्यक्तिको नाममा मतदान गर्न खोज्दा विवाद

हरिलाल जोशी    –

पुनर्वास –    कंचनपुरको पुनर्वास नगरपालिका-१० को विजय माध्यमिक विद्यालयको मतदान केन्द्रमा मतदान कार्य स्थगित भएको छ ।

बिहान ७ बजे देखि शान्तिपुर्ण ढंगले सुरु भएको मतदान दिउँसो बाह्र बजेतिर मृतक व्यक्ति र वैदेशिक रोजगारीमा गएका व्यक्तिहरुको नामबाट मतदान गर्न खोज्दा विवाद उत्पन्न भएको हो ।

अर्काको नाममा मतदान गर्न खोज्ने व्यक्तिलाई प्रहरी नियन्त्रणमा लिएपनि मतदान कार्य स्थगित भएको प्रहरी श्रोतले जनाएको छ ।

सोहि विषयमा पुनर्वास नगरपालिकाकी निर्वाचन अधिकृत किरण जोशीलाई बुझ्दा मतदानका क्रममा विवाद उत्पन्न भएपनि मतदान स्थल सुरक्षीत गर्न सुरक्षा व्यवस्था कडा बनाईएको जानकारी दिए ।