ठमेलका व्यवसायीहरुले लगाए कोरोना बिरूद्धको खोप

१२ वैशाख, काठमाडौं ।काठमाडौंको अति भिडभाड स्थान ठमेल क्षेत्रका व्यवसायीहरुले कोरोनाविरुद्धको खोप लगाएका छन् ।

ठमेल पर्यटन विकास परिषद्को आग्रहमा सरकारले १० हजार डोज खोप उपलब्ध गराएपछि व्यवसायी खुसी भएका हुन् । चीन सरकारले नेपाललाई उपलब्ध गराएको भेरोसेल खोप ठमेल क्षेत्रका व्यवसायीहरुले लगाएका हुन् ।परिषद्का उपाध्यक्ष एवं कोभिड–१९ पर्यटन व्यवसाय विपद् समन्वय समितिका संयोजक भविश्वर शर्माले ठमेल क्षेत्रका सूचीकृत कम्पनी, घरधनी र कम्पनीका कर्मचारीहरुमध्ये ९५ प्रतिशतले खोप लगाइसकेको खबर साचोँ खबरलाई जानकारी दिए ।