अस्पतालको लापरबाहीले कोरोना संक्रमितको शव परिवारकै जिम्मा लगाउँदा ५० भन्दा बढी मलामी दाहसंस्कारमा संलग्न

१२ बैशाख, काठमाडौँ। अस्पतालको लापरबाहीका कारण कोरोना संक्रमितको शव परिवारकै जिम्मा लगाउँदा ५० भन्दा बढी मलामी दाहसंस्कारमा संलग्न भएको खुलेको छ । धरानस्थित वीपी कोइराला स्वास्थ्य विज्ञान प्रतिष्ठानको कोभिड अस्पतालमा बुधबार राती मृत्यु भएका ४५ वर्षीय संक्रमितको शव विहिबार विहान अस्पतालले परिवारकै जिम्मा लगाएको थियो ।

शव अन्त्येष्टिमा प्रोटोकल उल्लंघन गरि ५० भन्दा बढी मलामी सहभागी भएको पाइएको छ । वडा नं ११ का अध्यक्ष बाबुलाल लामाले मृतकको परिवारलाई प्रतिष्ठानको डाक्टरले नै फोन गरेर शव लैजान सक्नु हुन्छ भनेर जिम्मा लगाएको साचोँ खबरलाई बताए ।

आफूले पछि बुझ्दा ५० जना भन्दा बढी मलामी गएको जानकारी पनि अध्यक्ष लामाले दिए । मास्क, सेनिटाइजर लगाए पनि पिपिई भने नभएको पाइएको मेहताले बताए । मलामी गएकाहरु सबैलाई कम्तीमा ३ दिन घरमा नै क्वारेन्टाइनमा बस्न आग्रह गरिएको उनले बताए । ‘२५ जना मात्र मलामी जाने भन्ने थाहै थिएन भने । सबैलाई क्वारेन्टाइनमा बसाएर सोमबार स्वाब लिन्छौं,’मेहताले भने ।

प्रतिष्ठानका अस्पताल सहायक निर्देशक डा प्रमोद बरालले नयाँ प्रोटोकल आएको भनेर प्रहरीबाट नै खबर आएपछि परिवारलाई शव जिम्मा लगाएको बताए । यद्यपी, प्रोटोकल पालना गराउन सबै सचेत हुनुपर्ने उनले बताए ।