महादेवस्थानमा सहकारीमा ५लाख नगद चोरी

८ बैशाख, काठमाडौं । काठमाडौंको शंखरापुर नगरपालिका–७ साँखु स्थित महादेवस्थानमा सहकारी चोरी भएको छ ।

लावण्य बचत तथा ऋण सहकारीको ताला फुटाएर ५ लाख चोरी भएको सहकारीका सञ्चालकले दावी गरेका छन् ।सहकारी चोरी भएको भन्दै संचालकले मंगलबार बिहान प्रहरीलाई खबर दिएका थिए । कार्टुनमा प्याक गरेको केही नगद र ल्यापटप त्यतिकै छाडिएको छ । उक्त सहकारीमा सिसिटिभी नभएको कारण चोरी गर्न ब्यक्ति पत्ता लगाउन प्रहरीलाई मुस्किल परेको छ । चोरीबारे अनुसन्धान भइरहेको महानगरीय प्रहरी परिसर काठमाडौंका प्रवक्ता (एसपी) रमेशकुमार बस्नेतले साचोँ खबरलाई जानकारी दिएका छन ।