विराटनगरबाट शनिबार साँझदेखि हराइरहेका एक बालक आज बिहान विराटनगरकै सिङ्घिया खोलामा मृत फेला परेका छन् ।
विराटनगर महानगरपालिका–८ हाटखोला घर भएका ७ वर्षीय उलब बस्नेतको शव खोलामा डुबेर मृत्यु भएको अवस्थामा फेला परेको मोरङ प्रहरीका प्रवक्ता डिएसपी मानबहादुुर राईले बताए ।
उनका अनुसार उपेन्द्र बस्नेतका छोरा उलब शनिबारबाट हराइरहेका थिए ।
उपेन्द्र नेपाल प्रहरीमा कार्यरत छन् । केही साथीहरुसँग खेल्ने क्रममा बालक खोलामा पुगेको र डुबेर मृत्यु भएको हुनसक्ने प्रहरीको अनुमान छ ।
थप अनुसन्धान भइरहेको बताउँदै डिएसपी राईले घटनाका बारेमा विस्तृत विवरण भने आउन बाँकी रहेको जानकारी दिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |