वीरगन्जमा कोरोना संक्रमणको संख्या बढ्दै , थप ३८ जनामा कोरोना संक्रमण पुष्टि

वीरगञ्ज महानगरपालिकामा कोरोना संक्रमणको संख्या बढ्दै गएको छ । यहाँस्थित नारायणी अस्पतालमा पीसीआर र एन्टिजेन परिक्षण गर्दा थप ३८ जनामा कोरोना संक्रमण पुष्टि भएको छ ।

बीरगञ्जको नारायणी अस्पतालमा ७५ जनाको पीसीआर र ३ जनाको एन्टिजेन परिक्षण गर्दा थप ३८ जनामा कोरोना संक्रमण पुष्टि भएको नारायणी अस्पतालका कोभिड संयोजक डा. सरोजरोशन दासले जानकारी दिनुभयो ।

परिक्षण गरिएका मध्ये १६ महिला र २२ पुरुषको रिर्पोट पोजिटिभ आएको छ । संक्रमित पुष्टि हुनेहरुमा बीरगञ्ज महानगरपालिका वडा नम्बर ३,४, ५, ६, ७, ८, १०, १२, १४, १६ का ३१ जना रहेका छन् ।

उता बाराको जितपुर–सिमरा उपमहानगरपालिका वडा नम्बर १० र २४ मा २ तथा कलैया उपमहानगरपालिका वडा नम्बर ४ मा १ गरी ३ जनामा कोरोना पुष्टि भएको छ भने रौतहटको गढीमाई नगरपालिका वडा नम्बर ७ र २७ मा २ जना रहेका छन् ।

त्यसैगरी प्रदेश ३ स्थित मकवानपुर जिल्लाको हेटौडा उपमहानगरपालकिा वडा नमबर ५ का १ र काठमाण्डौँ जिल्लाको तारकेश्वर नगरपालिकाका १ गरी २ जनामा कोरोना संक्रमण पुष्टि भएको डा. दासले बताउनुभयो । संक्रमितहरुको सिटी भ्यालू १४.७ देखि ३४.१ सम्म रहेको उहाँले बताउनुभयो ।