नेकपा एमालेका वरिष्ठ नेता माधवकुमार नेपालले प्रधानमन्त्री केपी शर्मा ओलीले अनुहार हेरेर पार्टीभित्र कारवाहीको डन्डा चलाएको बताएका छन् । शुक्रबार विराटनगर विमानस्थलमा पत्रकारसँग कुरा गर्दै उनले विधानविपरीत अनुहार हेरेर ओलीले नेताहरूलाई कारवाहीको डन्डा चलाएको बताएका हुन् ।
नेकपा एमाले अध्यक्ष तथा प्रधानमन्त्री केपी शर्मा ओलीलाई विधानविपरीत काम गर्दा साथ दिनेहरू दास भएको उनको दाबी छ । नेता नेपालले अध्यक्ष ओलीले विधानविपरीत काम गर्दै हिँडेका कारण सामान्तर कमिटी गठन गर्न सुरु गरेको बताए । ओलीले पार्टी विधान मिचेको दाबी गर्दै आफूहरू ओलीको दास हुन नसक्ने नेपालले बताए ।
‘विधानविपरीत काम गर्नेलाई साथ, समर्थन दिने दास हुन्,’ उनले भने, ‘हामी दास होइनौँ, पार्टीभित्र ओलीले मुख हेरेर कारबाही चलाएका छन् ।’
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |