यही चैत २१ गतेदेखि २८ गतेसम्म पोखरामा आयोजना हुने ‘आहा रारा गोल्डकप’ को उद्घाटन खेलमा आयोजक सहारा क्लब र सशस्त्र प्रहरीको एपीएफ भिड्ने भएका छन् । बिहिबार पोखरामा आयोजित पत्रकार सम्मेलनमा १९ औं संस्करणको प्रतियोगिताको सम्पूर्ण तयारी पुरा भएको जनाकारी समेत दिएको छ ।
प्रतियोगितामा नेपालका चर्चित ७ र एक विदेशी सहित ८ वटा क्लवहरुको सहभागिता रहने आयोजक सहारा क्लबका अध्यक्ष केशव बहादुर थापाले जानकारी दिए । उनका अनुसार यसपटक सहारा क्लब पोखरा, नेपाल एपिएफ क्लब, मछिन्द्र क्लब, अफ्रिकन रुट एसोसिएसन, जाउला क्यामरुन, संकटा क्लबको सहभागिता रहने छ ।
त्यसैगरी नेपाल आयल निगम मनाङ्ग मस्र्याङ्गदी क्लब, रुसलान थ्रीस्टार क्लब र नेपाल पुलिस क्लबको सहभागिता रहनेछ । प्रतियोगिताको उपाधि विजेता र उपविजेताले क्रमशः १० लाख १ हजार र ५ लाख १ हजार रुपैयाँ प्रदान गरिने क्लबका अध्यक्ष केशवबहादुर थापाले बताए । प्रतियोगितामा १ करोड २९ लाख १ हजार रुपैयाँ आम्दानी हुने अनुमान आयोजक क्लबले जनाएको छ । त्यसैगरी क्लबले १ करोड १ लाख ८१ हजार रुपैयाँ खर्च हुने अनुमान गरेको अध्यक्ष थापाले बताए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |