बारामा दुइटा मोटरसाइकल आपसमा ठोक्किँदा एक जनाको मृत्यु भएको छ।
जिल्लाको कोल्हबी नगरपालिका वडा नं.१ निकासमा दुई मोटरसाइकल आपसमा ठोक्किँदा वडा नं.६ अधनवाका १८ वर्षीय विकास चौधरीको घटनास्थलमै मृत्यु भएको प्रहरीले जनाएको छ। दुर्घटनामा अन्य एक जना घाइते भएका छन्।
ना ५४ प ६८५१ नम्बरको मोटरसाइकलमा सवार चालक चौधरीको सवारीलाई ज ७ प ६० ३६ नम्बरको मोटरसाइकलले ठक्कर दिएको थियो।
दुर्घटनामा मृतक चौधरी सवार मोटरसाइकलको पछाडि बस्ने ४५ वर्षीय रामचन्द्र चौधरी गम्भीर घाइते भएका छन्।
उनको पारस अस्पताल कोल्हबीमा उपचार भइरहेको छ।
ठक्कर दिने मोटरसाइकल चालक फरार भएकोले खोजीकार्य भइरहेको ईलाका प्रहरी कार्यालय कोल्हबीले जनाएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |