आगामी जनगणनाको प्रगतिबारे जानकारी

राष्ट्रिय सरोकार समितिले राष्ट्रिय योजना आयोग र तथ्याङ्क विभागसँग आगामी जनगणनाको लागि भइरहेको तयारी र हालसम्मको कार्य प्रगतिबारे जानकारी लिएको छ ।

सिंहदरबारमा बुधबार बसेको समितिको बैठकमा गणकलाई प्रत्येक घरदैलोमा पुुगेर वास्तविक तथ्यका आधारमा तथ्याङ्क सङ्कलन गर्ने कार्यमा कुनै कमी कमजोरी हुन नदिन आयोग र विभागको गम्भीर ध्यानाकर्षण समेत गरेको छ ।

सरकारले आगामी जेठ २५ गतेदेखि असार ७ गतेसम्म १२ औं राष्ट्रिय जनगणना गर्दैछ । तथ्याङ्क विभागका महानिर्देशक नवीनलाल श्रेष्ठले स्थानीयबासीलाई प्रोत्साहन गर्न रोजगारमा संलग्न नभएका युवायुुवतीलाई प्राथमिकता दिने उद्देश्यले दरखास्त आह्वान गरी गणक परिचालन गर्न लागिएको बताए ।

शहरका उच्च वर्गको तुुलनामा कम साक्षरता भएपनि दूरदराजका जनताले वास्तविक तथ्याङ्क उपलब्ध गराएर सहयोग पुुरयाएको विगतको अनुभव सुनाउँदै महानिर्देशक श्रेष्ठले समाजका सबै तह र तप्कालाई राष्ट्रिय जनगणनामा सहभागी भई सहयोग पुुरयाउन अपील गरे ।

योजना आयोगका सदस्य डा. रामकुुमार फुुयाँलले राष्ट्रको विकास र समृद्धिको अभियानलाई अघि बढाउनका लागि ठीक तथ्याङ्क आवश्यक पर्ने भएकाले राष्ट्रिय जनगणनामार्फत् सही तथ्याङ्क सङ्कलन गर्न आयोगले भगिरथ प्रयत्न गर्ने बताए ।

बैठकमा सदस्यहरुले खासगरी बसाइँसराइ र विभिन्न पेसा व्यवसायमा संलग्न हुने सिलसिलामा शहर र विदेशमा जाने नागरिकको दोहोरो गणना हुनसक्ने सम्भावनालाई समयमै होस् पुुरयाउन सुझाव दिएका थिए ।

नेपालले प्रत्येक १० वर्षमा राष्ट्रिय जनगणना गर्दै आएको छ । प्रत्येक वर्ष असार ८ गतेलाई जनगणना दिवसका रुपमा मनाउने गरिन्छ । यस वर्षको जनगणनाको मूूल नारा मेरो गणनाः मेरो सहभागिता रहेको छ ।