डडेल्धुरा । घर पोत्ने माटो खन्ने क्रममा ढिस्कोले पुरिएर डडेल्धुरामा एक महिलाको मृत्यु भएको छ ।
अमरगढी नगरपालिका–८ उग्रतारा मन्दिर परिसर भित्र रहेको सामुदायिक वनमा माटो खन्दा अमरगढी–७ ऐरी गाउँकी अन्दाजी ४५ वर्षीया नारु देवी ऐरीको मृत्यु भएको प्रहरी चौकी पोखरा ईञ्चार्ज शेरबहादुर बुढाऐरले बताउनुभयो ।
माटो खन्दा बनेको करिब आठ फिट लामो सुरुङ भित्र माटो खनिरहेका तीन महिला बुधबार दिउँसो पुरिएका थिए । तीन मध्ये दुई जनाको भने उद्दार गरिएको छ । मृतक ऐरीको शव नेपाल प्रहरी र शसस्त्र प्रहरीले निकालेको हो ।
माटोको ढिस्कोले पुरिएर घाइते भएका शारदा ऐरी र कल्पना विकको डडेल्धुरा अस्पतालमा उपचार भइरहेको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |