घरेलु टिम न्यूजिल्याण्डले बंगलादेशविरुद्धको पहिलो टी–ट्वान्टीमा जित निकालेको छ ।
ह्यामिल्टनमा आइतबार भएको खेलमा न्यूजिल्याण्डले बंगलादेशलाई ६६ रनले पराजित गरेको हो । न्युजिल्याण्डले दिएको २ सय ११ रनको लक्ष्य पछ्याएको बंगलादेशले २० ओभरमा ८ विकेट गुमाएर १ सय ४४ रन मात्र बनाउन सक्यो । बंगलादेशका लागि अफिफ होसेनले सर्वाधिक ४५ रन बनाए ।
यस्तै मोहमद साइफुदीनले अविजित ३४ रन जोड्दा मोहमद नाइमले २७ रन बनाए । कप्तान महमुदउल्लाह ११ रनमा आउट भए । न्यूजिल्याण्डका इश सोधीले ४ विकेट लिए । लक्की फर्गुसनले २ विकेट झारे । यस अघि पहिले ब्याटिङ गरेको न्यूजिल्याण्डले २० ओभरमा ३ विकेट गुमाएर २ सय १० रन बनाएको थियो ।
न्युजिल्याण्डका लागि डेभोन कोनवेले अविजित रहदै सर्वाधिक ९२ रनको अर्धशतकीय इनिङ्स खेले । विल योङले ५३ रनको अर्धशतकीय इनिङ्स खेले । मार्टिन गुप्टिलले ३५ तथा ग्लेन फिलिप्सले अविजित २४ रन बनाए । बंगलादेशका नासुम अहमेदले २ र मेहदी हसनले १ विकेट लिए । यस जितसँगै न्युजिल्याण्डले ३ खेलको सिरिजमा १–० को अग्रता बनाएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |