मुलुकमा थप ८५ जनामा कोरोना भाइरस कोभिड–१९ संक्रमणको पुष्टि भएको छ । पछिल्लो २४ घण्टामा २ हजार ७४५ जनाको कोरोना परीक्षण गर्दा सो संख्यामा संक्रमित थपिएका हुन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशका विभिन्न भागमा ८५ जना संक्रमित थपिएसँगै नेपालमा संक्रमितको कुल संख्या २ लाख ७६ हजार ७५० पुगेको छ ।
जसमा महिलाको संख्या ९७ हजार २११ (३५.१३ प्रतिशत) र पुरुषको संख्या १ लाख ७९ हजार ५३९ जना (६४.८८ प्रतिशत) रहेको छ ।
पछिल्लो २४ घण्टामा ९३ संक्रमित निको भए, ३ को मृत्यु
कोरोना भाइरस कोभिड–१९ को संक्रमणबाट पछिल्लो २४ घण्टामा देशभर ९३ जना निको भएर घर फर्किएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरबाट ९३ जना निको हुँदा डिस्चार्ज हुनेहरुको कुल संख्या २ लाख ७२ हजार ४३५ पुगेको छ ।
