मोडिफाइ गरेर ठूलो आवाज निकालेर ध्वनी प्रदुषण गरेको भन्दै ३४ मोटरसाइकल प्रहरीले नियन्त्रणमा लिएको छ । शुक्रबार मात्रै चितवन प्रहरीले ३४ वटा मोटरसाइकल नियन्त्रणमा लिएको हो ।
चितवनका विभिन्न स्थानबाट ३४ वटा मोटरसाइकललाई नियन्त्रणमा लिइ जिल्ला प्रहरी कार्यलयमा राखिएको छ । जिल्ला प्रहरी कार्यालय चितवनले शनिबार पत्रकार सम्मेलन गर्दै उक्त जानकारी दिएको छ ।
नियन्त्रणमा लिइएका मोटरसाइकललाई प्रहरी कार्यालयमा राखिएको छ । मोटरसाइकल धनीले ध्वनीसहित बनाएपछि फिर्ता दिने प्रहरी उपरीक्षक ओम अधिकारीले बताए ।
वर्कशपबाट मेकानिक बोलाएर मोटरसाइकलको वास्तविक स्वरुपमा परिवर्तन गरेपछि जरिवाना तिरेर मोटरसाईकल लैजान सक्ने चितवन प्रहरी कार्यालयका प्रमुख एवं एसपी अधिकारीले जानकारी दिए । ध्वनी प्रदुषण गर्ने आवाज जरिवाना रकम एक हजारदेखि ५ हजारसम्म रहेको छ ।
साइलेन्सरको पाइपमा रेडबुलको बट्टा हालेर समेत ध्वनी प्रदुषणमा सहयोग गरेको एसपी अधिकारीले बताए ।
उनले साइलेनसर मोडिफाइ गर्नेमात्र नभइ गराउने पनि दोषी हुने बताए । त्यसैले अब वर्कशपहरुलाई एक पटक सचेत गरेर पठाउने जानकारी दिँदै एसपी अधिकारीले दोश्रो पटक गल्ति गरेमा कारबाही गरिने बताए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |