रौतहटको बोधीमाई नगरपालिका अन्तर्गत आगलागीबाट दुईघर जलेर नष्ट भएको छ । लामखुट्टे धपाउन बालिएको धुपबाट सल्किएर दुई घरमा भएको आगलागीले लाखौँ बराबरको क्षति भएको छ ।
बोधीमाई– ९ सरमुजवाका जोखु बैठा र बदरी यादवको एउटा खपडा र एउटा फुसको घरमा आगलागी भएको प्रहरी चौकी बंकुलका असई राजहरन यादवले बताए ।
आगलागीबाट दुवैको घरमा रहेको अन्न, लत्ताकपडा लगायतका सामान जलेर तीन लाख बराबरको क्षति भएको असई यादवले जानकारी दिए ।
बिहीबार साँझ ७ बजे सुरु भएको आगलागी बारा सिमरौनगढबाट गएको दमकल स्थानीय र प्रहरीको सहयोगमा झन्डै १ घन्टा भित्र नियन्त्रण भएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |