गुहमन्त्री बादल धर्नाकारीहरुसंग माइतीघर मण्डलामा भन्छन :मागहरूका सम्बन्धमा बुझ्नु सकारात्मक छौ

गृहमन्त्री रामबहादुर थापा (बादल)ले कैलालीको टीकापुर घटना सम्बन्धमा वार्ताटोली गठन गरी संवादमा आउन आन्दोलनरत पक्षलाई आग्रह गरेका छन् ।

थारू कल्याणकारी सभा र थरुहट/थारुवान संयुक्त सङ्घर्ष समितिको आह्वानमा केही दिनदेखि माइतीघर मण्डलामा जारी धर्ना कार्यक्रममा बसेका थारू अगुवाहरूलाई भेट्न बिहीबार माइतीघर मण्डला पुगेका गृहमन्त्री थापाले सरकार र सङ्घर्ष समितिबाट वार्ता टोली गठन गरी समस्या समाधान गर्नुपर्ने बताए ।

त्यसका लागि सरकारले छिट्टै वार्ताटोली गठन गर्ने र सङ्घर्ष समितिबाट पनि धर्नालाई रोकेर वार्ता टोली बनाएर आउन आग्रह गरे । उनले आजैको मन्त्रिपरिषद्को बैठकमा कुरा राखेर वार्ता टोली गठन गरी निष्कर्षमा पु¥याउने प्रतिबद्धतासमेत जनाए ।

उनले टीकापुर घटनाका कतिपय विषय राजनीतिकरूपले हल गर्न सकिने र कतिपय कानुनी तथा प्रशासनिकरूपबाट हल गर्न सकिने बताए ।

पूर्वसांसद रुकमणि चौधरीले धर्नाको पाँचौँ दिन गृहमन्त्री आफैँ आएर मागहरूका सम्बन्धमा बुझ्नु सकारात्मक भएको बताइन् ।

उनले टीकापुर घटना राजनीतिक प्रकृतिको भएकाले राजनीतिक सहमतिको माध्यमबाट समाधान गर्नुपर्ने, रेशमलाल चौधरी, लक्ष्मण थारूलगायतमाथि लगाइएका मुद्दा फिर्ता हुनुपर्नेलगायतका १९ बुँदे माग राखिएको बताइन् । उनले थारू कल्याणकारी सभा र थरुहट÷थारुवान संयुक्त सङ्घर्ष समितिको नाउँमा लिखितरूपमा नेपाल सरकारले पत्राचार गरेमा मात्रै वार्ता टोली गठन गरी संवादमा जाने बताइन् ।

थारू अगुवाहरूले २०७२ सालमा भएको टीकापुर घटनामा फैजदारी मुद्दा लागेकाहरूको मुद्दा फिर्ता र दोषी ठहर भई जेलमा रहेकाहरूको रिहाइको माग गर्दै आइतबारदेखि माइतीघर मण्डलामा धर्ना दिएका हुन् ।