उद्योग वाणिज्य तथा आपूर्तिमन्त्री लेखराज भट्टले विदेशी उत्पादित वस्तुको आयातमा जोड दिनुभन्दा नेपालमै उत्पादनमा जोड दिनुपर्ने बताएका छन् ।
डीएफएसके ग्लोरी आई-अटो गाडीको नेपालमा सार्वजनिक गर्ने कार्यक्रममा बोल्दै मन्त्री भट्टले उद्योगीहरुले नेपालमा उत्पादन गरि बिदेशमा निर्यात गर्नुपर्ने जोड दिए ।
उनले सरकारले यसका लागि वातावरण निर्माण गर्ने बताए । यस्तै सुदूरपश्चिम प्रदेशका निवर्तमान आर्थिक मामिला तथा योजना मन्त्री झपट बोहोराले सरकारले विश्व बजारमा नाम चलेका गाडीलगायतका वस्तु उत्पादन नेपालमै गर्न सरकारले वातावरण निर्माण गर्नुपर्ने बताए ।
वेदेशी उत्पादित वस्तुको आयात मात्र बढ्दा देशमा रोजगारी सृजना नहुने भन्दै भट्टले स्वदेशमै वस्तुको उत्पादन गरि रोजगारी सृजना गर्नतर्फ व्यवसायी लाग्नुपर्नेमा जोड दिए । स्वदेशमै उत्पादनमुलक गद्योग खोलेर युवा विदेश पलायन हुने क्रम रोक्नु आवश्यक रहेको उनको भनाइ थियो ।
डीएफएसकेको आधिकारिक वितरक कुजु नेपाल प्रालिले एड्भान्स सिरिज ग्लोरी-आई-अटो नेपालमा सार्वजनिक भएको छ । कुजु नेपाल प्रालिले यसअघि ग्लोरी सिरिजका ५६० र ५८० एसयूभी बिक्री गर्दै आएको थियो ।
यस गाडीमा रहेका अधिकांश फिचरहरु भ्वाइस कमान्डबाट चलाउन सकिने कुकु नेपालका सञ्चालक उमीद श्रेष्ठ खोजुले जानकारी दिए । गाडीमा भ्वाइस कमान्डको विशेषता छ ।
गाडीमा बस्दा फोनमा नम्बर खोजेर डाइल गर्नु पर्ने र सजिलै भ्वाइस कमान्डबाटै डायल गर्न सकिने, नम्बर खोज्नु नपर्ने भ्वाइस कमान्डको सहायताले हाइग्लोरी कमान्ड दिएर फोन कल एसेस सिस्टम, मिडिया कमान्ड, कार कन्ट्रोल, भ्वाइस नेभिगेसन र कनेक्टिभिटी फिचर सञ्चालन गर्न सकिने कम्पनीले जनाएको छ । नेपाली बजारमा यस गाडीको मूल्य ८९ लाख रुपैयाँ रहेको कम्पनीले जनाएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |