लागूऔषध खैरो हेरोइन सहित १७ वर्षीय एक किशोर पक्राउ

वीरगन्जमा १७ वर्षीय एक किशोर लागूऔषध खैरो हेरोइन सहित पक्राउ परेका छन् ।

वीरगन्ज महानगरपालिका वडा नम्बर १३ घर भएका १७ वर्षीय किशोर ३० ग्राम खैरो हेरोइन सहित पक्राउ परेका हुन् । पक्राउ परेका किशोरको नाम भने प्रहरीले सार्वजनिक गरेको छैन ।

शुक्रबार बिहान सुराकीको सूचनाका आधारमा जिल्ला प्रहरी कार्यालय पर्साबाट खटिएको लागूऔषध नियन्त्रण ब्युरोको प्रहरी टोलीले वीरगन्ज १४ पावरहाउस चोकमा शंका लागेर तिनको शरीर खानतलासी गर्दा ३० ग्राम खैरो हेरोइन बरामद भएको हो ।

पर्साका प्रहरी नायव उपरिक्षक ओम प्रकाश खनालका अनुसार किशोरले सेतो प्लाष्टिकको पोकाभित्र ३० ग्राम खैरो हेरोइन लुकाइछिपाइ राखेका थिए ।

प्रहरी हिरासतमा रहेका ती किशोरलाई पर्सा जिल्ला अदालतबाट ५ दिन म्याद थप गरी अनुसन्धान कार्य अगाडि बढाइएको खनालले बताए ।