रामेछापमा गुड्ने सवारी तथा ढुवानी साधका चालकले अब अनिवार्य रुपमा जुत्ता लगाएर मात्रै ड्राइभिङ गर्नुपर्ने भएको छ।
चप्पल लगाएर ड्राइभिङ गर्दा दुर्घटना बढ्न सक्ने जोखिमतालाई ध्यानमा राखेर जिल्ला ट्राफिक प्रहरीले ड्राइभिङ गर्दा चालकलाई जुत्ता अनिवार्य गरेको हो ।
जिल्ला ट्राफिक प्रहरी कार्यालय रामेछापका प्रमुख प्रहरी सहायक निरीक्षक रामेश्वर पाण्डेले चालकले चप्पल लगाएर ड्राइभिङ गर्दा पसीनाले खुट्टा चिप्लेर भनेको ठाउँमा ब्रेक नलाग्ने , ब्रेक लगाउन खोज्दा चप्पल अड्कीने जस्ता समस्याका कारण दुर्घटना बढ्न सक्ने भएकाले मंगलबारबाट जिल्लामा चालकले अनिवार्य रुपमा जुत्ता लगाउनुपर्ने व्यवस्था गरिएको बताउनुभयो ।
उहाँको अनुसार जिल्लामा चल्ने सवारीका ठुला बस , सुमो , माइक्रोबस , टिफर , ट्रक , ट्याक्टर , अटो लगायतका साधनका चालकले ड्राइभिङ गर्दा अनिवार्य रुपमा जुत्ता लगाउनुपर्नेछ ।
मंगलबारदेखी आगामी पाँचदिनसम्म चालकहरुलाई ड्राइभिङ गर्दा अनिवार्य रुपमा जुत्ता नलगाउदा हुने जोखिमताका बारेमा सचेतना सहित अनिवार्य जुत्ता लगाउन अनुरोध गरिन्छ, त्यसपछिका समयमा पनि बेवास्ता गरी जुत्ता नलगाई ड्राइभिङ गर्नेलाई जरिवाना तथा कारवाही अभियान सञ्चालन गरिन्छ ट्राफिक प्रहरी कार्यालय रामेछापका प्रमुख पाण्डेले भन्नुभयो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |