नेपाल कम्युनिष्ट पार्टी नेकपाका सांसद लालबाबु पण्डितले कांग्रेस नेतृत्वमा सरकार बनाउन खोज्नु जनमतको अपमान हुने बताउनु भएको छ ।
प्रतिनिधिसभा पुनःस्थापनाको घोषणा हुन साथ आफ्ना सबै काम छाडेर कांग्रेस सभापति देउवा निवास पुग्नु भएका पुष्पकमल दाहाल, प्रचण्ड र माधवकुमार नेपाललाई उहाले चेतावनी दिएको हो ।
उहाले नेकपाभित्र सहमति खोज्नुपर्ने बताउनु भएको छ । ‘नेकपामा कठिन भए पनि एकताको सम्भावना समाप्त भएको छैन । बहुमत प्राप्त पार्टीले नेपाली कांग्रेसको नेतृत्वमा सरकार बनाऊँन जान हुदैन ।
यो जनमतको अपमान हुने भएकोले कही यस्तो अवस्था नआओस’, उहाले नेतृत्वलाई सुझाव दिदै अगाडी भन्नुभएको छ, ‘मेरो यसमा बिरोध रहने छ ।
नेतृत्वलाई बेलैमा जानकारी गराऊछु ।’ उहा प्रचण्ड–नेपाल निकट नेताका रुपमा चिनिएपनि पछिल्लो समय तटस्थ रहदै आउनु भएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |