प्रधानमन्त्रीका प्रेस सल्लाहकार सुर्य थापाले प्रधानमन्त्री केपी शर्मा ओलीले प्रतिनिधिसभाको सामना गरेर नै फैसला कार्यान्वयन गर्नुहुने बताउनु भएको छ ।
प्रतिनिधिसभा विघटनको निर्णय सर्वोच्च अदालतले उल्टाइदिएपछि उहाले प्रधानमन्त्रीले राजिनामा नदिने तर प्रतिनिधिसभामा सामना गरेर अगाडी बढ्ने प्रतिक्रिया दिनु भएको हो ।
प्रेस सल्लाहकार थापाले सर्वोच्चको फैसला विवादास्पद भएपनि मान्नुपर्ने र कार्यान्वयन गर्नुपर्ने बताउनु भयो । उहाले यसका दुष्प्रभावहरु भविष्यमा देखिदैं जाने निश्चित भएकाले यसले राजनीतिक समस्याहरुको कुनै हाल हुने अवस्था नरहेको उल्लेख गर्नुभयो ।
‘सर्वोच्च अदालतले गरेको फैसला विवादास्पद छ, तर मान्नुपर्छ । र, कार्यान्वयन गर्नुपर्छ । यसका दुष्प्रभावहरू भविष्यमा देखिदैं जाने निश्चित छ । यसबाट राजनीतिक समस्याहरूको कुनै हल हुने अवस्था पनि छैन । बरू अस्थिरता अझै बढ्ने छ । सत्ताको खेल बढ्नेछ । प्रधानमन्त्रीले प्रतिनिधिसभाको सामना गरेर नै फैसला कार्यान्वयन गर्नुहुन्छ । तत्काल राजीनामा दिनुहुने छैन’, उहाले भन्नुभयो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |