धारिलो हतियार प्रहारबाट सिन्धुली नगरपालिका–१० दोभानमा सोमबार आमाछोरी गम्भीर घाइते

फागुन १० गते। धारिलो हतियार प्रहारबाट सिन्धुलीको कमलामाई नगरपालिका–१० दोभानमा सोमबार आमाछोरी गम्भीर घाइते भएका छन् । घरमा सुतिरहेका ५५ वर्षीया हरिमाया घिमिरे र २६ वर्षीया गंगामाया घिमिरेलाई धनुषा, बट्टेश्वरका प्रमोदकुमारसिंह महतोसहित दुई जनाले बिहान ३ बजे आक्रमण गरेका हुन् ।

घटनापछि दुवै जना फरार रहेको प्रहरीले जनाएको छ । प्रहरी निरीक्षक सन्तोषकुमार पोखरेलका अनुसार घाइतेलाई उपचारका लागि जनसेवा अस्पताल बर्दिबास पठाइएको छ । दुवै जनाको टाउको तथा हातमा गहिरो चोट लागेको छ ।

गंगामाया र महतोबीचको प्रेमसम्बन्ध घटनाको कारण भएको स्थानीयले बताएका छन् । वडाध्यक्ष रामहरि ढुंगेलका अनुसार महतो गंगामायाको घरमा पहिल्यैदेखि आउजाउ गरिरहन्थे । दुवै जनाको खोजी भइरहेको प्रहरीले जनाएको छ ।