सिन्धुपाल्चोकमा ल्होछार सास्कृतिक कार्यक्रम भब्य तरिकाले मनाइयो

प्रमोद गिरी

फागुन ९ गते। सिन्धुपाल्चोक

इन्द्रावती- ल्होछार पर्व तामाङ सस्कृती हाम्रो सान हाम्रो पहिचान सस्कृती संरक्षण ,प्रचार प्रवर्द्धन को लागि हाम्रो अभियान भन्ने नारा का साथ इन्द्रावती ८ ज्यामिरेमाने मा शनिबार बृहत् ल्होछार सास्कृतिक कार्यक्रम मनाइएको छ।

अर्चले युवा समाज द्वरा आयोजित उक्त कार्यक्रम पुर्वमन्त्री शेर बहादुर तामाङको प्रमुख आतिथ्य र युवा समाजका अध्यक्ष पुष्पलाल तामाङको सभापतित्वमा उक्त कार्यक्रम सप्पन्न भएको थियो।

११ बजे सुरु हुने भनिएको कार्यक्रम १ घन्टा ढिलो गरेर संचालन भयो । निर्धारित समयमा कार्यक्रमका प्रमुख अतिथी कार्यक्रम स्थलमा नआइपुगेपछी कार्यक्रम लाई औपचारिक रुपमा विशेष अतिथी ,अतिथी र कलाकारहरुलाई आसन ग्रहण गराउदै सुरु गरियो । साँझ ५ बजे कार्यक्रम स्थल मा आइपुगेका थिए पुर्वमन्त्री शेर बहादुर तामाङ । पुर्वमन्त्री तामाङले दिपप्रज्वलन गरी कार्यक्रमको उद्घाटन गरेका थिए। युवा समाजका उपाध्यक्ष बिनोद तामाङले स्वागत मन्तव्य राखेका थिए।