फागुन ९ गते, काठमाडौं।ललितपुरको गोदावारीस्थित विशंखुनारायण सामुदायिक वनमा साहसिक खेल जीपलाइन सञ्चालनमा आएको छ।
साहसिक पर्यापर्यटन व्यवसायी राजकुमार श्रेष्ठले ललितपुरको गोदावारीस्थित विशंखुनारायण सामुदायिक वनभित्र साहसिक खेल जीपलाइन सञ्चालनमा ल्याएका हुन्।
ललितपुरको सातदोबाटोबाट करिब ७ किलोमिटरको दूरीमा रहेको विशंखुनारायण वनभित्र जीपलाइन सञ्चालनमा ल्याइएपछि खेल खेल्न आउने आन्तरिक पर्यटकहरूको संख्या पनि बढेको छ।
एकतर्फ ४ सय मिटर र अर्कोतर्फ ४ सय मिटर गरी कुल ८ सय मिटर रहेको जीपलाइन खेल्नका लागि काठमाडौं, ललितपुर र भक्तपुरबाट पर्यटकहरू जाने गरेका छन्।
जीपलाइन खेल्नका लागि फोटो/भिडिओसहित प्रतिव्यक्ति १ हजार ५ सय रुपैयाँ शुल्क निर्धारण गरिए पनि अहिले छुट दिएर प्रतिव्यक्ति १ हजार ३ सय रुपैयाँ लिइएको सञ्चालक श्रेष्ठले बताए।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |